"Орхей-Милсами" жамоасининг 16 ёшли футболчиси ўйин вақтида майдонда вафот этди, дея хабар беради Moldova.sports.md.
Бу ҳодиса Молдованинг ўсмирлар биринчилигининг "А" дивизиони 18-турида Оргеев шаҳрида "Орхей-Милсами" ва "Унгень" жамоалари ўртасидаги ўйинда содир бўлди.
Ўйин қоқ тушда бошланган. Дастлабки хулосаларга кўра футболчининг танаси қизиб кетиши натижасида ҳушидан кетган. Стадионда тез ёрдам машинаси бўлмаган. Кейин етиб келган шифокорлар футболчининг ўлимини қайд қилишди.













