"Барселона" ярим ҳимоячиси Френки де Йонг фаолиятини Англия Премьер-лигасида давом эттириши мумкин, деб хабар беради Sport.es.
Манбага кўра, 24 ёшли нидерландиялик футболчининг хизматларига "Манчестер Юнайтед" қизиқиш билдирмоқда. Де Йонг "Манчестер Юнайтед"нинг ёзги мавсумдаги трансфер мақсадлари рўйхатига киритилган.
Қайд этилишича, Френкининг трансферини "қизил иблислар" янги бош мураббийи Эрик Тен Хагнинг шахсан ўзи истамоқда.
Эслатиб ўтамиз, Де Йонг 2019 йилда "Аякс"дан "Барселона"га ўтган эди.
Нидерландиялик ярим ҳимоячи жорий мавсум чемпионатда 27 та ўйинда майдонга тушиб, 3 та гол урди ва 3 та голга ассистентлик қилди.
