«Манчестер Сити» ҳужумчиси Габриэль Жезус АПЛ доирасидаги «Уотфорд»га қарши ўйинда хет-трик ва голли узатмани амалга оширди. Иккинчи бўлим бошланганидан 20 сония ўтиб бразилиялик пенальти ишлади ва уни ўзи голга айлантириб, ўйиндаги 3-голини киритди
Бу хет-трик бразилиялик футболчи учун «Манчестер Сити»даги 2017 йилнинг январида бўлган дебютидан буён биринчиси бўлди. Эслатиб ўтамиз, яқинда Жезус «шаҳарликлар»нинг лагерни тарк этиши мумкинлиги ҳақида хабар тарқалган эди. Ҳужумчига асосий даъвогар Лондоннинг «Арсенал» клуби бўлиб турибди, миш-мишларга кўра, футболчи билан шартнома борасида келишиб бўлган.
Жезуснинг «Манчестер Сити» билан амалдаги шартномаси 2023 йилнинг ёзида якунига етади.
