Мадриднинг “Атлетико” клуби ярим ҳимоячиси Родриго де Пауль жамоани тарк этиши мумкинлиги ҳақидаги миш-мишларга жавоб берди. Аввалроқ, аргентиналик футболчи Мадридни тарк этиб, Миланнинг "Интер" клубига ўтишни хоҳлаётгани ҳақида маълумотлар пайдо бўлганди.

Журналист Маттео Моретто ўзининг ижтимоий тармоқларида де Пауль ва "Атлетико Мадрид" бош мураббийи Диего Симеоне ўртасида ҳеч қандай муаммо йўқлиги, футболчининг ўзи эса клубда бахтли эканини маълум қилди.

Де Пауль ўтган ёзда "Удинезе"дан "Атлетико"га ўтган эди. Аввалроқ “Лидс” футболчининг хизматларига қизиқиш билдирган.