«Манчестер Сити» ҳужумчиси Габриэль Жезус «Уотфорд»га қарши ўйиндан кейинги фикрлари билан ўртоқлашди. Эслатиб ўтамиз, бразилиялик «Уотфорд»га қарши ўйинда покер ва битта голли узатмани амалга оширди.
«Мен жуда хурсандман, шунчаки жамоамга ёрдам беришни хоҳлардим. Кевин де Брюйнега раҳмат айтишим керак. Пенальти тепишимдан олди, у тўп билан ёнимга келиб: «сиз тепинг, бу хет-трик қилишингиз учун», деди. Шунинг учун мен унга раҳмат айтишим керак», - деди Жезус ўйиндан кейин берган интервьюсида.
Сўнгги кунларда матбуот Жезуснинг «Манчестер Сити»ни тарк этиши мумкинлиги ҳақида хабар бермоқда. Бразилиялик ҳужумчининг трансфери учун асосий давогарлардан бири Лондоннинг «Арсенал» клуби ҳисобланади.
