"Интер" бош мураббийи Симоне Индзаги А Сериянинг 34-тур доирасида "Рома" (3:1) устидан қўлга киритилган ғалаба ҳақида фикр билдирди.
"Биринчидан, мен футболчиларимнинг концентрациясидан фахрланаман. Биз энг юқори савияда ўйнашимиз керак эди ва футболчилар буни тўлиқ уддалашди. Лаутаро? Унга фақат голлар керак эди, тамом. Бу мен учун ҳеч қачон муаммо бўлмаган. У гол ура олмаган давр бўлди, лекин у ҳамиша тўғри позицияларда ўйнайди ва бошқалар каби вақти-вақти билан дам олди, ҳозир у яхши ишлаяпти ҳамда у худди шу руҳда давом этиши керак.
Моуриньо? Бир-биримизга омад тиладик. Моуриньо - ўзгача мураббий, у ҳар доим жуда меҳрибон. Италия кубоги ўйинидан олдин биз ҳеч қачон учрашмагандек 45 дақиқа бирга ўтирдик. У футбол ҳақида суҳбатлашиш учун ажойиб инсон”, деди Индзаги DAZN нашрига.
