"Inter" bosh murabbiyi Simone Indzagi A Seriyaning 34-tur doirasida "Roma" (3:1) ustidan qo‘lga kiritilgan g‘alaba haqida fikr bildirdi.

"Birinchidan, men futbolchilarimning konsentrasiyasidan faxrlanaman. Biz eng yuqori saviyada o‘ynashimiz kerak edi va futbolchilar buni to‘liq uddalashdi. Lautaro? Unga faqat gollar kerak edi, tamom. Bu men uchun hech qachon muammo bo‘lmagan. U gol ura olmagan davr bo‘ldi, lekin u hamisha to‘g‘ri pozisiyalarda o‘ynaydi va boshqalar kabi vaqti-vaqti bilan dam oldi, hozir u yaxshi ishlayapti hamda u xuddi shu ruhda davom etishi kerak.

Mourinyo? Bir-birimizga omad tiladik. Mourinyo - o‘zgacha murabbiy, u har doim juda mehribon. Italiya kubogi o‘yinidan oldin biz hech qachon uchrashmagandek 45 daqiqa birga o‘tirdik. U futbol haqida suhbatlashish uchun ajoyib inson”, dedi Indzagi DAZN nashriga.