Норвегия терма жамоаси, «Рома» ҳамда «Валенсия» каби клубларнинг собиқ етакчиси Жон Карью ўзи туғилган Норвегияда солиқ тўлашдан бўйин товлаганликда айбланмоқда.
Гап ўта жиддий сумма – 30 миллион евродан ортиқ маблағ ҳақида кетмоқда, бу эса Норвегия қонунчилигига кўра, уни олти йилга қамоққа тушиши мумкинлигини англатади.
Карью ўзини ҳимоя қилишга уриниб, қонунларнинг баъзи хусусиятлари ҳақида билмаганлигини даъво қилади, лекин сиз билганингиздек, бундай жоҳиллик уни жавобгарликдан озод қилмайди.
Карью 1997 йилдан 2012 йилгача Европа майдонларида ўйнаган. У Норвегия терма жамоаси учун 91 та ўйинда 24 та гол урган.
