Британия Қироллик оиласи аъзоси ва Англия футбол ассоциацияси раҳбари шаҳзода Уильям Европа чемпионати пайтида Украинага ташриф буюрмоқчи эмас, дея хабар беради Daily Mail.
Май ойи бошида Европанинг бир қатор сиёсатчилари Юлия Тимошченко билан боғлиқ вазият туфайли Украинада ўтадиган Евро-2012 га қарши бойкот эълон қилишга уринган эдилар.
Британия нашри шаҳзоданинг ушбу қарорининг расмий сабаблари ошкор қилинмаганини таъкидлмоқда. Шуниси борки, шаҳзода Уильям авваллари Англия термасини қўллаб-қувватлаш учун сафарга чиқишни рад қилмаган ва Украинадан узоқроқ жойлашган ЖАРда бўлиб ўтган ЖЧ-2010га ташриф буюрган эди. Балки "қироллик оиласи шаҳзоданинг сиёсатдан четроқда юришини" маъқул топгандир.
