Жозе Моуриньо бошчилигидаги «Рома» Италия чемпионатида чемпионлик учун математик жиҳатдан имкониятни бой берди.
Рим жамоаси «Интер»га 1:3 ҳисобида мағлуб бўлиб, жорий мавсум чемпионлик учун барча имкониятларни бой берди.
Айни дамда Моуриньо жамоаси Италия чемпионатида атиги бешинчи поғонани эгаллаб турибди. 34 учрашувдан сўнг «Рома» футболчиларида 58 очко бор.
Эслатиб ўтамиз, Рим клуби охирги марта 2000/2001 йилги мавсумда Италия чемпиони бўлганди. Моуриньонинг ўзи сўнгги бор 2014/2015 йилги мавсумда чемпионликни қўлга киритган, ўшанда у «Челси» билан Премьер-лигада ғолиб чиққан.
