«ПСЖ»нинг бразилиялик ҳужумчиси Неймар парижликлар жамоасининг кўплаб мухлислари уни қўллаб-қувватламаётгани ҳақида гапирди.

Неймар Париж клубини тарк этиш нияти йўқлигини, шу боис, қолишини айтди. Бразилиялик футболчи «ПСЖ» билан 3 йиллик шартномам борлигини, шунинг учун мухлислар ҳуштакбозликни бас қилгани маъқул, чунки улар истаган иш яқин вақт ичида бўлмайди, дея ҳазил қилди.

Эслатиб ўтамиз, Париж жамоаси кеча муддатидан олдин чемпионлик унвонини ўзиники қилган эди. Неймар жорий мавсум Франция чемпионатида 19 та ўйинда майдонга тушиб, 11 та гол ва 5 та голли узатмани амалга оширди.