Уэльс терма жамоаси бош мураббийи Роб Пэйж «Реал» ярим ҳимоячиси Гарет Бэйл Испанияда қаттиқ танқид қилинаётганидан ҳайратда қолган.
Пэйж журналистлар билан суҳбатда уэльслик футболчини Испанияда қанчалик қаттиқ танқид қилганидан ҳайратда эканлигини айтди. Мураббийнинг таъкидлашича, у Гаретни паразит деб аташганини ўқиганида, унинг қони ғазабдан қайнаб кетди, чунки Бэйл ўзига нисбатан бундай ҳурматсизликка лойиқ эмас эди.
Эслатиб ўтамиз, жорий мавсумда Гарет Бэйл Испания чемпионатида бешта ўйин ўтказиб, битта гол урган.
