«ПСЖ» дарвозабони Жанлуижи Доннарумма Франция жамоасини тарк этиш ниятида эмаслигини тасдиқлади. Италиялик парижликлар билан Чемпионлар лигасида ғалаба қозонишни орзу қилади.
«Мен «ПСЖ»да қоламан ва Чемпионлар лигасида ғалаба қозонишга ҳаракат қиламан. Мен энди биринчи мавсумимни ўтказдим ва у қандай ўтганидан мамнунман. Биз Чемпионлар лигасидаги омадсилигимиздан афсусдамиз, лекин биз бу хатони тўғрилашга ҳаракат қиламиз.
Биз Европада яхши натижаларга эришмоқчи эдик, аммо энди кеч. Кейинги йил Чемпионлар лигасида ғалаба қозонишга ҳаракат қиламиз», - деди Доннарумма.
«ПСЖ» Чемпионлар лигасининг 1/8 финалига чиқди ва унда «Реал»га умумий ҳисобда мағлуб бўлди (2:3).
