«Тоттенхэм» бош мураббийи Антонио Конте «ПСЖ»ни бошқаришга тайёр.
Le Parisien нашрининг хабарига кўра, у парижликлар клуби билан икки йиллик шартнома имзолаши мумкин.
«ПСЖ» амалдаги бош мураббий Маурисио Почеттино билан хайрлашишга қарор қилди. Парижликлар унинг ўрнига Зинедин Зиданни қўймоқчи эди, аммо «Реал»нинг собиқ бош мураббийи Франция терма жамоасини қабул қилмоқчи.
52 ёшли Конте ўтган йилнинг ноябрида «Тоттенхэм»ни қабул қилиб олганди ва 2023 йилнинг ёзига қадар шартнома имзолаган эди.
50 ёшли Почеттино 2021 йилнинг январ ойидан бери «ПСЖ»ни бошқариб келмоқда. Париж клуби билан Франция кубоги ва суперкубоги соҳибига айланди ва муддатдан олдин чемпионлик унвонини кафолатлади.
