«Челси» бош мураббийи Томас Тухель АПЛнинг 34-туридан ўрин олган «Вест Хэм»га (1:0) қарши ўйин ҳақида фикр билдирди.
“Биз боши берк кўчага кириб қолгандек туюлдик ва бу тушунарли, чунки «Вест Хэм» ўзини интизом ва катта куч билан ҳимоя қилади. Лекин биз ҳаммамиз буни тушундик. Биз ўз вақтимизни кутишимиз керак эди. Биз ўйинни назорат қилдик, лекин бўш зоналарни топа олмадик. Қолаверса, сўнгги ўйинлардаги натижалардан кейин, вазият таваккал қилишга арзигулик эмас эди.
Биз уларнинг қарши ҳужумларини ушлаб туришни хоҳладик. Ўйин охирида майдондан четлатилиш бизга кўпроқ эркин зоналарни топиш ва муаммони ҳал қилиш имконини берди.
Бу ғалаба олға ташланган катта қадамдек туюлади. Бизда ҳали ҳам ўйинлар бор. Ғалаба қозониш жуда муҳим эди ва мен бундан хурсандман. Охирги натижалардан кейин озгина омадга лойиқмиз. Олдинда бизни Манчестерда муҳим ўйин кутиб турибди ва бу ғалаба кайфиятимизни кўтаради” - деди Тухель Тухель Sky Sports нашрига.
