"Манчестер Юнайтед" ҳужумчиси Криштиану Роналду Англия Премьер-лигасида энг кўп маош олувчи футболчи бўлди.

37 ёшли португалиялик футболчи йилига 26,4 миллион фунт (31,42 миллион евро) маош олади.

Иккинчи ўринда “Манчестер Сити” ярим ҳимоячиси Кевин Де Брюйне жойлашган. Унинг йиллик маоши 20,4 миллион фунтни (тахминан 24,3 миллион евро) ташкил қилади.

Йилига 19,2 миллион фунт ёки 22,84 миллион евро маош оладиган “Манчестер Юнайтед” дарвозабони Давид де Хеа кучли учликни ёпади.

Рейтингда тўртинчи ўринда “Манчестер Юнайтед” ҳужумчиси Жейдон Санчо – 18 миллион фунт (21,4 миллион евро). Кучли бешликка “Манчестер Юнайтед”нинг яна бир футболчиси, йилига 15,6 миллион фунт (18,6 миллион евро) оладиган ҳимоячи Рафаэль Варан жойлашди.

Шу тариқа, Англиянинг энг кўп маош олувчи футболчилари бешлигига "Манчестер Юнайтед"нинг тўрт нафар футболчиси кирди.

Криштиану Роналду жорий мавсумда АПЛда 27 та ўйинда майдонга тушиб, 16 та гол урди ва 3 та голга ассистентлик қилди.