"Барселона" ҳимоячиси Дани Алвеш дунёнинг энг титулли футболчиси мақомини Лионель Мессига бой беришдан хавотирда эмаслигини айтди.
Айни дамда 38 ёшли бразилиялик футболчи фаолияти давомида 43 та кубокни қўлга киритган. Лионель Месси яқинда ўзининг 39-кубогини қўлга киритди ва "ПСЖ" билан Франция Лига 1 ғолибига айланди.
Бразилиялик фахрий ижтимоий тармоқларда аргентиналик футболчининг Франциядаги ғалабасидан сўнг ўзининг совринлар рўйхатини Мессининг совринлари билан солиштирган суратини илова қилиб, “Агар мендан ўзиб кетадиган бўлсанг, унда ҳақиқатан ҳам яхшироқсан", деб ёзган футболчи.
