Леверкузеннинг "Байер" клуби ёзда ўз сафини Италиянинг "Эмполи" клуби марказий ҳимоячиси Маттиа Вити билан тўлдириши мумкин.Get German Football News нашрининг маълумотларига кўра, футболчи келгуси мавсумда "фармацевтлар"нинг асосий трансфер мақсадларидан бири бўлади.

20 ёшли Вити А Серияда ўзининг илк мавсумини ўтказмоқда, аммо шунга қарамай, у ҳимоявий ўйини билан кўплаб Европа клубларини ҳайратга сола олди.

Витининг "Эмполи" билан шартномаси 2025 йилнинг ёзида якунига етади. 20 ёшли ҳимоячининг трансфери 5 миллион еврога баҳоланмоқда. Вити Италиянинг 21 ёшгача бўлган терма жамоасида ҳам бир нечта ўйин ўтказишга муваффақ бўлди.