Серж Орье Жозе Моуриньо билан «Тоттенхэм»да бирга ишлаган пайтларини ёдга олди.
«Бир марта биз баҳслашдик, аммо бу тактик мулоҳазалар туфайли эди. Мен унинг қарорларидан норози бўлиб, у билан гаплашиш учун идорага бордим. Мен у билан ҳеч қандай муаммосиз гаплаша олишимни билардим, чунки футболчининг ҳалоллиги унга ёқади. Эртаси куни муаммо ҳал қилинди.
Бу менга ёқади, чунки Моуриньо сизни тинглайди ва кейин ўзи нима деб ўйлаганини айтади. Баъзан сиз ундан нафратланасиз ва уни ўлдирмоқчи бўласиз, лекин кейин сиз уни сева бошлайсиз, чунки унинг феъл-атвори туғма ғолибга хосдир ва мен у билан кўп жиҳатдан танишман. Унга қарши ҳеч нарсам йўқ», - деди «Виляьрреал» ҳимоячиси.
