«Реал» дарвозабони Тибо Куртуа «Манчестер Сити»га қарши ўйиндан олдинги фикрлари билан ўртоқлашди.

Жамоалар 26 апрель куни Чемпионлар лигасининг ярим финал дастлабки учрашувида тўқнаш келишади.

“Бу жуда қийин ўйин бўлади, лекин биз бу ҳафта охири ўйнамаганимиз яхши бўлди.

Агар келаётган дам олиш кунлари чемпионликни қўлга киритсак, шанба оқшомида биз ҳам бироз байрам қилиб, кейин бор эътиборимизни «Манчестер Сити»га қарши жавоб ўйинига қаратишга улгурамиз.

«Шаҳарликлар» ҳам Премьер-лига чемпионлиги учун курашмоқда, улар «Ливерпул»дан бир очко олдинда, улар янада стрессли вазиятда.

Мен жавоб учрашувини уйда ўтказишни афзал кўраман. Акс ҳолда, «ПСЖ» ва «Челси» каби камбэкларни амалга ошириб бўлмасди», - деди Куртуа.