"Вильярреал" ҳужумчиси Арно Данжума "Арсенал" қизиқиш доирасига тушиб қолди. Бу ҳақида The Sun нашри хабар берди.
Манбага кўра, "канонирлар" ёзги трансфер ойнасида ҳужум чизиғини кучайтириш мақсадида сотиб олиниши мумкин бўлган футболчилар қаторига Данжумани ҳам киритган. Аммо "Вильярреал" футболчиси билан осонликча хайрлашиш нияти йўқ. Улар футболчиси учун 50 миллион евро талаб қилмоқда.
Қайд этиш жоиз, жорий мавсум 25 ёшли нидерландиялик футболчи барча турнирларда 33 та ўйинда майдонга тушиб, 16 та гол урди ва 4 голли узатма амалга оширди.
