«Челси» ярим ҳимоячиси Жоржиньо «Ювентус»нинг ёздаги асосий трансфер мақсадларидан бири ҳисобланади, дея хабар беради Calciomercato.

Манбанинг хабарига кўра, Турин клуби вакиллари аллақачон футболчининг агенти билан учрашган. «Кекса синьора» бош мураббийи Массимилиано Аллегри жамоани яна ғалабага олиб бориш учун футболчини жамоага таклиф қилмоқчи. Бундай трансферни амалга ошириш учун «Ювентус» ярим ҳимоячиси Артур билан хайрлашиши керак.

Жоржиньо Италияда «Верона» ва «Наполи»да ўйнаган. У 2018 йилда Неапол клубидан 57 миллион евро эвазига «Челси»га ўтганди. Унинг «аристократлар» билан шартномаси 2023 йилнинг ёзида тугайди.

Жорий мавсумда 30 ёшли италиялик Лондон клуби сафида барча турнирлар доирасида 42 та ўйинда майдонга тушиб, 9 та гол ва 4 та голли узатмани амалга оширди. Трансфермаркт футболчини 45 миллион еврога баҳоланган.