«Челси» ҳужумчиси Ромелу Лукаку «Интер»га ўтиш учун маошини икки бараварга камайтиришга мажбур бўлади, деб хабар беради The Sun.
Манбага кўра, бельгиялик футболчи Лондон клубида мавсумига 20 миллион евро олади. «Интер»га ўтган тақдирда бу сумма 10 миллионга қисқаради.
Аввалроқ, 28 ёшли ҳужумчи Италияга қайтиш ниятида экани ҳақида хабар берилганди. «Интер» билан Лукаку 2021 йилда Италия чемпионлигини қўлга киритди.
Эслатиб ўтамиз, Лукаку ўтган йилнинг август ойида 97,5 миллион фунт (тахминан 116 миллион евро) эвазига «Челси»га ўтганди.
Ҳужумчи жорий мавсум «Челси» сафида барча турнирлар доирасида 39 та ўйинда майдонга тушиб, 12 та гол ва 2 та голли узатмага муаллифлик қилган.
