«Реймс» раҳбарлари франциялик ҳужумчи Уго Экитикени қанча маблағ эвазига қўйиб юборишга тайёр эканликлари ҳақида қарор қабул қилишди.

Shields Gazette хабарига кўра, «Реймс» раҳбарлари 19 ёшли футболчини сотишдан камида 35 миллион евро ишлаб олишни режалаштиришган. Эслатиб ўтамиз, Экитике хизматларига «Ньюкасл», «Манчестер Юнайтед», «Ливерпуль», «Челси» ва «Тоттенхэм» клублари қизиқиш билдирмоқда. Ҳужумчининг «Реймс» билан шартномаси 2024 йилнинг июнигача амал қилади.

Эслатиб ўтамиз, жорий мавсумда Уго Экитике Франция чемпионатида 21 та ўйин ўтказиб, 9 та гол ва иккита голли узатмани амалга оширди.