"Манчестер Юнайтед" ёзги мавсумда "Лацио" ярим ҳимоячиси Сергей Милинкович-Савични ўз сафига қўшиб олмоқчи. Италиялик журналист Николо Скиранинг хабарига кўра, манкунианликлар ҳозирдан серб футболчисининг трансфери бўйича таклиф тайёрламоқда.
Манбага кўра, "Манчестер Юнайтед" скаутлари футболчининг "Милан"га қарши сўнгги ўйинини томоша қилишган. Футболчининг агенти "Челси"нинг собиқ ҳужумчиси Матеа Кежман айни дамда Италияда, футболчининг трансфер нархини муҳокама қилмоқда. Трансфер учун бошқа давогарлар ҳам бор - "Ювентус" ва "ПСЖ".
"Манчестер Юнайтед" Милинкович-Савични ярим ҳимоячи Поль Погбага ўринбосар сифатида кўриб чиқмоқда. Вақтинчалик бош мураббий Ральф Рангник яқинда франциялик футболчи мавсум охирида жамоани эркин агент сифатида тарк этишини тасдиқлади.
