«Челси» марказий ҳимоячиси Антонио Рюдигер келажаги борасида бир қарорга келди. Бу ҳақда журналист Алваро Монтеро хабар бермоқда.
Манбанинг хабарига кўра, Рюдигер аллақачон «Челси» билан шартномасини узайтирмасликка қарор қилган. Антонио ёзда «Реал»га ўтади.
«Рюдигер ва «Реал» ўртасида аллақачон музокара бошланган. Бу яқин орада расман эълон қилинади. Антонио «Реал»да ўйнашни хоҳламоқда»,- дейди журналист.
Монтеронинг қўшимча қилишича, ҳеч қандай ғайриоддий нарса бўлмаса, Рюдигер кейинги мавсумда «Реал»да ўйнайди.
