"Реал" яримҳимоячиси Кака Бразилия ОАВга берган интервьсида "Бавария" билан чемпионлар лигаси ярим финалининг жавоб учрашувидаги хотиралар унга бир умр азоб беришини айтиб ўтди.
Эслатиб ўтамиз, Кака ўйиндан сўнг пенальтилар сериясида гол уролмаган "Реал" футболчиларининг бири бўлганди.
"Бу омадсизлик менга кўп азоб берди. Менинг фаолиятимда бунга ўхшаш бир неча ёқимсиз хотиралар бор, масалан, "Милан" сафида 2005 йил чемпионлар лигаси финалидаги мағлубият, 2006 ва 2010 йиллардаги жаҳон чемпионатларида Бразилия термаси сафидаги мағлубиятлар. Мана энди чемпионлар лигаси ярим финалида "Реал" сафидаги омадсизлик. Бу мени бир умр қийнаб ўтади", - дейди Кака.
