«Барселона» ҳимоячи Роналд Араухо билан шартномани узайтирганини расман эълон қилди.
23 ёшли уругвайлик футболчи билан тузилган янги шартнома 2026 йилнинг июнь ойи охиригача амал қилади. Шартномадаги товон пули 1 миллиард евро.
Расмий имзолаш маросими жума куни бўлиб ўтади, унда футболчининг ўзи ва «Барселона» президенти Жоан Лапорта иштирок этади.
Араухо 2018 йилнинг август ойида «Барселона»га ўтган эди. 2021/22 йилги мавсумда футболчи Каталония клуби сафида 39 та ўйинда майдонга тушиб, 4 та гол урган. Футболчининг аввалги шартномаси 2023 йилнинг июнь ойи охиригача амал қилган.
