"Вильярреал" бош мураббийи Унаи Эмери "Ливерпул"га қарши Чемпионлар лигаси ярим финалининг биринчи ўйини ҳақидаги тахминлари билан ўртоқлашди.
"Мен "Ливерпул"нинг аввал ҳозиргисидан кучлироқ бўлганини эслай олмайман. Албатта, улар фаворит бўлишади, лекин улар бизга ҳурмат билан қарашлари керак. "Энфилд"да ўйнаш тажрибам бор эди. Клоппни қадрлаш керак, у ақл бовар қилмайдиган ишни бажарди", деди Эмери ўйин олдидан ўтказилган матбуот анжуманида.
Эслатиб ўтамиз, Унаи Эмери еврокубокларда "Ливерпуль" билан фақат бир марта тўқнаш келган. Ўшанда испаниялик мутахассис Европа лигаси финалида Клопп жамоасини 3:1 ҳисобида мағлуб этган "Севилья"ни бошқарган.
