Мана, олий лиганинг 7-тур ўйинлари ҳам ўз ниҳоясига етмоқда. "Навбаҳор" кўрсатаётган натижаларга қараб, жамоа пастга шўнғиётганини кўришимиз мумкин.

Айтиш керакки, жорий йилги мавсумнинг ортда қолган ўйинларида "Навбаҳор" ўз тарихидаги энг ёмон мавсумини ўтказмоқда. Ҳозиргача "лочинлар" 7 ўйинда 6 очко жамғаришга эришган, холос. Тўплар нисбати эса 3-9 (-6) кўринишга эга. Ушбу кўрсаткич жамоанинг янги антирекорди саналади. Чунки, ҳозиргача шундай натижа қайд этилмаган эди. Тўғри, 2008 йилги мавсумнинг 7-туридан сўнг "Навбаҳор"нинг ҳисобида 6 очко бўлган, лекин тўплар нисбати 6-7 кўринишда эди.

Сўнгги икки йилликдаги натижаларга қараганда, 7-турдан сўнг жамоа рақиб дарвозасини атиги 3 марта ишғол қилган холос, бу ҳам клуб тарихидаги энг ёмон натижадир. Бундан келиб чиқмоқдаки, жамоада ҳужумкорлик йўқ. Ҳужумчилар шунчалик кучсиз ёки мураббийлар улардан унумли фойдалана олишмаяпти.

Эътиборингизга, барча чемпионатларимиздаги 7-турдан кейинги "Навбаҳор"нинг очко ва тўплар нисбатини келтириб ўтамиз:

1992. 12 очко, 9-6
1993. 15 очко, 10-5
1994. 12 очко, 12-8
1995. 10 очко, 7-6
1996. 17 очко, 16-2
1997. 14 очко, 17-6
1998. 15 очко, 16-5
1999. 12 очко, 11-9
2000. 12 очко, 15-9
2001. 15 очко, 14-7
2002. 9 очко, 12-11
2003. 10 очко, 9-6
2004. 16 очко, 14-3
2005. 13 очко, 11-4
2006. 11 очко, 9-6
2007. 9 очко, 9-11
2008. 6 очко, 6-7
2009. 9 очко, 6-5
2010. 14 очко, 11-3
2011. 9 очко, 3-3
2012. 6 очко, 3-9