"Манчестер Сити" ҳужумчиси Фил Фоден Чемпионлар лигаси 1/2 финали биринчи ўйинида "Реал" устидан қозонилган ғалаба (4:3) ҳақида фикр билдирди. Шунингдек, у жамоалар ажойиб футбол кўрсатишганини қўшимча қилди.
“Томошабинлар учун бу ажойиб футбол бўлди. Ўйин давомида тўпни йўқотиб қўйсангиз, жазоланишингиз мумкин. Биз айнан шу устида ишлашимиз керак. Мадриддаги ўйин олдидан интригани йўқ қилишимиз мумкин эди, аммо вазиятлардан унумли фойдалана олмадик", - дея Фоденнинг сўзларини келтиради УЕФА матбуот хизмати.
Эслатиб ўтамиз, томонлар ўртасидаги жавоб ўйини 4 май куни Мадридда бўлиб ўтади.
