"Реал Бетис" ҳимоячиси Эктор Бельерин "Арсенал"нинг ижара муддати тугагач, клубда қолмоқчи.
Шанба куни клубдаги футболчи пенальтилар сериясида "Валенсия"ни мағлуб этиб, Испания кубогини қўлга киритди.
Бельерин жорий мавсумни “Реал Бетис”да Лондоннинг “Арсенал” клубидан ижара асосида ўтказди. Футболчи маоши камайтирилган тақдирда ҳам клубда қолишга тайёр, дея хабар беради Football Espana.
Футболчи жорий мавсумда клуб сафида барча турнирларда 31 та ўйинда майдонга тушди ва 5 та голли узатмани амалга оширди. Қолаверса, испан клубида ҳали ҳам Чемпионлар лигаси зонасига чиқиш имконияти бор.
