Мадриднинг «Реал» клуби ҳужумчиси Лука Йович «Интер»га ўтиши мумкин.
Сербиялик футболчининг «Реал» билан шартномаси 2025 йилгача амал қилади, аммо Мадрид клуби ҳозирда 24 ёшли футболчини ўз режаларига киритмаяпти.
Йович шу йилнинг ёзида сотувга қўйилиши мумкин. Англия Премьер-лигаси клублари уни сотиб олишга қизиқиш билдирмоқда.
Corriere dello Sport нашри хабарига кўра, Миланнинг «Интер» клуби ҳам футболчини шу ёзда сотиб олмоқчи. Ҳужумчининг ўзи, аввал хабар қилинганидек, Германия Бундеслигасига қайтишни истайди.
Лука Йович жорий мавсумда «Реал» сафида 17 та ўйинда майдонга тушиб, 1 та гол урган.
