«Рома» ҳужумчиси Тэмми Абрахам Англия Премьер-лигаси клубларидан бўлган қизиқиши ҳақида фикр билдирди.
Конференциялар лигаси доирасидаги «Лестер»га қарши ўйин олдидан 24 ёшли англиялик футболчи Англия клубларининг қизиқишларига қарамай, «Рома» клубида қолишини исташини айтиб ўтди.
“Мен Англияда туғилиб ўсганман, шунинг учун мен инглиз клублари билан боғланганим ажабланарли эмас. Ҳозир бор эътиборимни «Рома»га, жамоа муваффақиятига қаратганман. Келинг, келажакда нима бўлишини кўрамиз. Ҳозир мен фақат «Лестер»ни мағлуб этиш ҳақида ўйлаяпман" - деди Абрахам.
Эслатиб ўтамиз, Абрахамнинг «Рома»даги муваффақиятли ўйини унинг «Челси»га қайтиши мумкинлиги ҳақида кўплаб миш-мишларга сабаб бўлганди. Ҳужумчига Лондоннинг «Арсенал» ва «Манчестер Юнайтед» клублари ҳам қизиқиш билдирмоқда.
