«Лестер» бош мураббийи Брендан Рожерс Конференциялар лигаси ярим финалида «Рома»га қарши дастлабки ўйин арафасида римликлар устози Жозе Моуриньо билан бирга ишлаган вақтларини эслади.
Эслатиб ўтамиз, Португалиялик мутахассис "Челси" клубига биринчи келганида Рожерс «кўклар» ёшлар жамоасини бошқарганди.
«Мен бирга ишлаган барча мураббийлар ҳақида ўйласам, имкон қадар улардан кўпроқ маълумот олишга ҳаракат қилдим. 2004 йилда Жозе ҳамма ҳавас қиладиган йигит эди. У Европа чемпиони сифатида кириб келди ва ёш мураббийларга харизмага эга бўлишларини кўрсатди» - деди Рожерс матбуот анжуманида.
