«Lester» bosh murabbiyi Brendan Rojers Konferensiyalar ligasi yarim finalida «Roma»ga qarshi dastlabki o‘yin arafasida rimliklar ustozi Joze Mourinyo bilan birga ishlagan vaqtlarini esladi.
Eslatib o‘tamiz, Portugaliyalik mutaxassis "Chelsi" klubiga birinchi kelganida Rojers «ko‘klar» yoshlar jamoasini boshqargandi.
«Men birga ishlagan barcha murabbiylar haqida o‘ylasam, imkon qadar ulardan ko‘proq ma’lumot olishga harakat qildim. 2004 yilda Joze hamma havas qiladigan yigit edi. U Yevropa chempioni sifatida kirib keldi va yosh murabbiylarga xarizmaga ega bo‘lishlarini ko‘rsatdi» - dedi Rojers matbuot anjumanida.
