Италия чемпионатининг 34-туридан кейин «Милан» яққол пешқадамга айланиб олди.
Стефано Пиоли шогирдлари 74 очко жамғариб, «Интер»дан 2 очко олдинда бормоқда. "Нерадзуррилар" бугун 20-турнинг қолдирилган ўйинида «Болонья»га (1:2) имкониятни бой бериб, «россонерлар»дан олдинга ўтиш имкониятини қўлдан бой беришди.
«Милан» мавсум охиригача А Серия доирасида «Фиорентина» (уйда), «Верона» (сафарда), «Аталанта» (уй) ва «Сассуоло» (сафарда) жамоалари билан ўйнайди.
«Интер»ни эса «Удинезе» (сафарда), «Эмполи» (уйда), «Кальяри» (сафарда) ва «Сампдория» (уйда) жамоалари билан ўйинлар кутмоқда.
