Жозе Моуриньо Конференциялар лигасида «Рома»нинг «Лестер» билан учрашуви олдидан Премьер-лига ва А Серияни солиштирди.

- Бу бизнинг Конференциялар лигасидаги 13-ўйинимиз, биз бу учун А Серияда очколар билан тўладик, чунки пайшанба куни, кейин эса якшанба куни ўйнашимиз керак эди. Бир хил савиядаги 30 нафар футболчиси бўлган жамоалар учун ротация муаммо эмас, лекин бизда бундай имкониятлар йўқ.

«Лестер»нинг устунлиги шундаки, биз Европа лигасига йўл олишни истасак, улар Премьер-лигадаги жой ҳақида қайғуришмайди. Биз мавсумни бешинчи-саккизинчи ўринларнинг исталганида якунлашимиз мумкин. Бу қийин вақт, лекин у рағбатлантиради.

- Премьер-лига ва А Серия ўртасидаги фарқ нимада?

- Италия катта салоҳиятга эга, аммо машаққатли меҳнат орқали фақат чекланган муваффақиятга эришиш мумкин, қолганини фақат пул билан қоплаш мумкин. Бу лигалар ўртасидаги объектив фарқ.

Италияда жуда кам мураббий Премьер-лига клубига ўхшаган таркибга эга бўла олади, ҳаттоки биз "Ливерпуль" ёки "Манчестер Сити" эмас, балки "Лестер" ҳақида гапирадиган бўлсак ҳам. Лекин тактика орқали катта иқтисодий салоҳиятга эга клубларга муаммо туғдира оламиз. Футболнинг гўзаллиги ҳам шунда, - деди «Рома» бош мураббийи.