Joze Mourinyo Konferensiyalar ligasida «Roma»ning «Lester» bilan uchrashuvi oldidan Premyer-liga va A Seriyani solishtirdi.
- Bu bizning Konferensiyalar ligasidagi 13-o‘yinimiz, biz bu uchun A Seriyada ochkolar bilan to‘ladik, chunki payshanba kuni, keyin esa yakshanba kuni o‘ynashimiz kerak edi. Bir xil saviyadagi 30 nafar futbolchisi bo‘lgan jamoalar uchun rotasiya muammo emas, lekin bizda bunday imkoniyatlar yo‘q.
«Lester»ning ustunligi shundaki, biz Yevropa ligasiga yo‘l olishni istasak, ular Premyer-ligadagi joy haqida qayg‘urishmaydi. Biz mavsumni beshinchi-sakkizinchi o‘rinlarning istalganida yakunlashimiz mumkin. Bu qiyin vaqt, lekin u rag‘batlantiradi.
- Premyer-liga va A Seriya o‘rtasidagi farq nimada?
- Italiya katta salohiyatga ega, ammo mashaqqatli mehnat orqali faqat cheklangan muvaffaqiyatga erishish mumkin, qolganini faqat pul bilan qoplash mumkin. Bu ligalar o‘rtasidagi ob’ektiv farq.
Italiyada juda kam murabbiy Premyer-liga klubiga o‘xshagan tarkibga ega bo‘la oladi, hattoki biz "Liverpul" yoki "Manchester Siti" emas, balki "Lester" haqida gapiradigan bo‘lsak ham. Lekin taktika orqali katta iqtisodiy salohiyatga ega klublarga muammo tug‘dira olamiz. Futbolning go‘zalligi ham shunda, - dedi «Roma» bosh murabbiyi.
