Англиянинг «Вест Хэм» клуби ярим ҳимоячиси Марк Нобл мавсум охирида фаолиятини якунлашини маълум қилди.

34 ёшли футболчи Европа лигасида ғолиб чиқса, ҳаттоки Чемпионлар лигасида ўйнаш имконияти ҳам унинг қарорига таъсир қилмаслигини қўшимча қилди.

“Мен оилам билан ёзда таътилга боришим шарт. Агар Европа Лигасида ғалаба қозониб, Чемпионлар Лигасига йўлланма олсак, фикримни ўзгартираманми? Йўқ, мен сизга ростини айтаман. Бу тарзда тугатиш ўзгача бўлади. Агар кейинги мавсумда Чемпионлар лигасига чиқсак, мен мамнуният билан кейинги ўринда кубок билан стадиондан жой оламан», - деди 35 ёшли Нобл.

Европа лигаси ярим финалида «Вест Хэм» ўз майдонида «Айнтрахт Франкфурт»ни қабул қилади. Биринчи ўйин 28 апрель куни бўлиб ўтади.

Нобл «Вест Хем»да 2004 йилдан бери тўп суради. Ярим ҳимоячи 546 та ўйин ўтказиб, 62 та гол урган.