Аргентиналик ҳужумчи Пауло Дибала ёзда «Ювентус»ни тарк этади, аммо у қаерга кетаётгани ҳозирча маълум қилинмаган. Шунинг учун миш-мишлар жуда кўп тарқалмоқда.
Энг сўнггиси аргентиналик футболчини «Барселона»га ўтиши бўлиб турибди. Бундай тахминларга Пауло Дибала ва Дани Алвеш ўртасидаги учрашув сабаб бўлди, бу учрашувда улар либосларини ҳам алмашишди.
Одатдагидек, учрашув мобайнида либосларни алмаштиришган футболчиларнинг расмлари тезда ижтимоий тармоқлар орқали оммага кўрсатилди.
Дибала ва Алвеш бир неча йил олдин Туриннинг «Ювентус» клубида бирга ўйнашган, Алвеш учун бу қисқа саргузашт эди, Дибала эса Турин клубига ўз фаолиятининг 7 йилини сарфлади.
