2001 йилги "олтин тўп" соҳиби Майкл Оуэн Чемпионлар лигаси 1/2 финалининг биринчи ўйинида "Ливерпуль"нинг "Вильярреал" устидан қозонган ғалабаси (2:0) ҳақида фикр билдирди.
"Вильярреал"да ҳали ҳам имконият бор, шундай эмасми? Испанияда жамоа тезкор гол урса курашда давом этади. "Ливерпуль" том маънода мухлислар билан тўлиб-тошган эди - "Вильярреал" футболчилари уларга нима бўлганини ўйлаб майдонни тарк этган бўлса керак", - дея Оуэннинг сўзларини келтиради УЕФА матбуот хизмати.
Маълумот учун, "Ливерпуль" ва "Вильярреал" ўртасидаги жавоб учрашуви 3 май куни Испанияда бўлиб ўтади.
