"Ливерпуль" ҳимоячиси Эндрю Робертсон Чемпионлар лигаси 1/2 финали биринчи ўйинида "Вильярреал" устидан қозонилган ғалаба (2:0) ҳақида фикр билдирди.
"Биринчи бўлимда бир нечта голли вазиятларга эга бўлдик - улардан фойдаланишга ҳаракат қилдик. Биринчи гол бизга куч бағишлади. Трибуналардаги шовқин ажойиб эди. Бу иккинчи голни уришимизга олиб келди.
Биз кўпроқ гол урмоқчи эдик, аммо қуруқ ўйин ва 2 тўп фарқидан нолий олмайсиз”, - дея Робертсоннинг сўзларидан иқтибос келтиради УЕФА матбуот хизмати.
Эслатиб ўтамиз, "Ливерпуль" ва "Вильярреал" ўртасидаги жавоб учрашуви 3 май куни Испанияда бўлиб ўтади.
