Испания терма жамоаси бош мураббийи Висенте дель Боскенинг айтишича, "Барселона" ҳужумчиси Давид Вильянинг Евро-2012да қатнашишидан кўра, қатнаша олмаслиги ҳақиқатга яқин экан.
Футболчи клублар ўртасидаги жаҳон чемпионатида оёғидан жароҳат олиб, узоқ муддатга сафдан чиққан эди.
"Вилья бина боғлиқ чигал вазиятга тушиб қолдик. Биз бундан ташвишдамиз. Сабаби - узоқ муддат майдонга тушмаган футболчини таркибга қўшиш қийин", - дейди Дель Боске испан матбуотига.
Эслатиб ўтамиз, Евро-2012га шунингдек, ўнг тиззасида жароҳати бор "Барса" ҳимоячиси Калес Пуйоль ҳам бора олмайди.
