«Манчестер Юнайтед» бош мураббийи Ральф Рангник АПЛ доирасида «Челси»га қарши ўйин (1:1) ҳақида фикр билдирди.
«Иккинчи бўлимда яхши ҳаракат қилдик, Роналду ажойиб гол урди. Биринчи бўлимда муаммоларга дуч келдик, бир неча бор Де Хеага таянишга мажбур бўлдик.
Иккинчи бўлимда биз вазиятни кўпроқ назорат қилдик. Биз Чемпионлар лигасида ғалаба қозонган топ-жамоага қарши эканлигимиз аниқ эди, лекин биз ўзимизга унчалик ишонмагандик ва саккиз нафар футболчига умид боғлай олмагандик.
Бизга дуранг ўйнаш насиб қилган бўлсада, шундай натижага лойиқ эдик. Ҳимоядаги ўйинда муаммоларимиз бор. Биз етарлича ихчам эмасмиз, етарлича кучли эмасмиз.
Роналдунинг 37 ёшидаги муносабати ўзига хос нарса ва бу фақат унинг урган голида эмас. Агар у бугунгидек ўйнаса, жамоага жуда фойда бўлиши мумкин. Кейинчалик нима бўлишини Эрик тен Хаг ва Роналду ҳал қилади, аммо Криштиану бугун ажойиб ўйнади», - деди Рангник Sky Sports нашрига.
