“Уфа" таркибида ижара асосида ҳаракат қилаётган ҳамюртимиз Остон Ўрунов мавсум якунида "Спартак"га қайтиши мумкин, деб хабар беради Metaratings.ru.
"Уфа" Ўруновни ижарага олишдан аввал уни сотиб олиш шартини фаоллаштирмоқчи эди. Бироқ, ҳозирда клубнинг бундай режалари йўқ.
Манба берган хабарга кўра, Ўруновни сотиб олишдан бош тортиш сабабларидан бири "Спартак" ва клубнинг собиқ бош директори, ҳозирда "Уфа"да ишлаётган Шамил Газизов ўртасидаги суд жараёни билан боғлиқ вазият.
Агар футболчи “Спартак”га қайтса, москваликлар унга янги жамоа қидиради.
Жорий мавсумда 21 ёшли футболчи Тинкофф РПЛда 12 та ўйинда майдонга тушган, аммо самарали ҳаракатлар амалга ошира олмаган.
