“Ювентус” ярим ҳимоячиси Адриен Рабьо клубдаги дастлабки уч йилида барқарорлик етишмаганини тан олди.
"Эҳтимол, сиз ҳақиқий Рабьони кўрмагандирсиз. Балки менга изчиллик етишмагандир. Мен ҳар доим майдонда бор кучимни сарфлайман, лекин ҳар бир ўйинда бир хил савияни сақлаб қолиш қийин.
"Интер" билан ўйин ва охирги ўйинлар юқори савияда ўтди, аммо уларни ҳафтадан ҳафтага такрорлаш қийин", - дея тан олди ярим ҳимоячи.
У клуб бош мураббийи Массимилиано Аллегри қўл остида ишлаш қулай эканини қўшимча қилди.
