Мадриднинг “Атлетико” клуби бош мураббийи Диего Симеоне “матрасчилар” ҳужумчиси Антуан Гризманннинг ўйини ҳақида фикр билдирди.

«Тўғри, Антуан бир неча ўйинда гол ура олмади, биз бунга кўникиб қолганмиз, аммо у клубга энг кўп фойда келтирган футболчилардан биридир.

У ўзи тушган оғир вазиятдан чиқиб кетишига шубҳам йўқ. У дунёнинг энг яхши ўйинчиларидан бири», - дейди Симеоне.

Гризманн жорий мавсумда “Атлетико Мадрид” сафида барча турнирлар доирасида 31 та ўйинда майдонга тушиб, 8 та гол урди ва 4 та голли узатмани амалга оширди.