Бугун ОФК кубоги гуруҳ босқичининг сўнгги тур учрашувларияга якун ясалди. "D" гуруҳида муддатидан аввал иккинчи ўринни эгаллаган Фарғонанинг "Нефтчи" клуби нимчорак финалда "В" гуруҳи ғолиби майдонига сафар қилиши аниқ эди.
"В" гуруҳида сўнгги тур учрашувларида бугун Ироқнинг "Арбил" клуби ўз майдонида Яманнинг "Ал-Уруба" клубини 2:1 ҳисобида мағлубиятга учратди ва гуруҳ ғолиблигини қўлга киритди.
Гуруҳлар ичида энг қизиқ ҳолат "H" гуруҳида рўй берди. Гшарчи гуруҳ ғолиблигини Малайзиянинг "Келантан" клуби қўлга киритган бўлса-да, иккинчи ўрин учун курашган жамоаларнинг ҳар учаласи 7 тадан очко жамғаришди ва тўплар нисбатига кўра Индонезиянинг "Арема" клуби нимчорак финалга йўл олди.
Кеча ва бугун бўлиб ўтган гуруҳ босқичининг 6-тур учрашувлари қуйидагича якун топди.
"А" ГУРУҲИ
Ал-Файсалий (Иордания) – Ас-Сувайқ (Уммон) 2:3
Ал-Қодисия (Кувайт) – Ал-Иттиҳод (Сурия) 5:2
1. Ал-Қодисия – 10 очко; 2. Ас-Сувайқ – 10 очко; 3. Ал-Файсалий – 9 очко; Ал-Иттиҳод – 4 очко;
"В" ГУРУҲИ
Ист Бенгал (Ҳиндистон) – Казма (Кувайт) 1:2
Арбил (Ироқ) – Ал-Уруба (Яман) 2:1
1. Арбил – 14 очко; 2. Казма – 11 очко; 3. Ал-Уруба – 8 очко; 4. Ист Бенгал – 0 очко;
"С" ГУРУҲИ
Ал-Аҳад (Ливан) – Ал-Иттифоқ (Саудия Арабистони) 1:3
Кувайт СК (Кувайт) – ВБ (Мальдив) 7:1
1. Ал-Иттифоқ – 14 очко; 2. Кувайт СК – 11 очко; 3. Ал-Аҳад – 7 очко; 4. ВБ – 1 очко;
"D" ГУРУҲИ
Нефтчи (Ўзбекистон) – Салгаокар (Ҳиндистон) 3:0
Ал-Уруба (Уммон) – Ал-Виҳдат (Иордания) 4:2
1. Ал-Виҳдат – 12 очко; 2. Нефтчи – 11 очко; Ал-Уруба – 7 очко; 4. Салгаокар – 4 очко;
"Е" ГУРУҲИ
Ат-Тилол (Яман) – Аз-Заураъ (Ироқ) 0:2
Аш-Шурта (Сурия) – Сафа (Ливан) 3:2
1. Аш-Шурта – 15 очко; 2. Аз-Заураъ – 12 очко; 3. Сафа – 9 очко; 4. Ат-Тилол – 0 очко;
"F" ГУРУҲИ
Сонг Лам Нге Ан (Вьетнам) – Тэмпайнес Роверс 3:0
Китчи (Ҳонгконг) – Теренггану (Малайзия) 2:2
1. Китчи – 11 очко; 2. Теренггану – 10 очко; 3. Сонг Лам Нге Ан – 7 очко; Тэмпайнс Роверс – 5 очко;
"G" ГУРУҲИ
Янгон Юнайтед (Мьянма) – Ситизен (Ҳонгконг) 1:2
Ҳоум Юнайтед (Сингапур) – Чонбури (Таиланд) 1:2
1. Чонбури – 14 очко; 2. Ҳоум Юнайтед – 10 очко; 3. Ситизен – 7 очко; Янгон Юнайтед – 2 очко;
"H" ГУРУҲИ
Арема (Индонезия) – Навибанк Сайгон (Вьетнам) 6:2
Келантан (Малайзия) – Аеявади Юнайтед (Мьянма) 1:0
1. Келантан – 13 очко; 2. Арема – 7 очко; 3. Навибанк Сайгон – 7 очко; Аеявади Юнайтед – 7 очко;
Нимчорак финалнинг ягона учрашувида қатнашиш учун "Нефтчи" Ироққа – "Арбил" клуби стадионига сафар қилади. Бундан ташқари ушбу босқичда Кувайт ва Малайзия клублари ўзаро дуч келиб қолганликлари эътиборга сазовор.
ОФК кубоги 1/8 финал жуфтликлари ва ўйинлар санаси.
22 май. "Ал-Қодисия" (Кувайт) – "Кувайт СК" (Кувайт)
22 май. "Ал-Иттифоқ" (Саудия Арабистони) – "Ас-Сувайқ" (Яман)
22 май. "Аш-Шурта" (Сурия) – "Ҳоум Юнайтед" (Сингапур)
22 май. "Чонбури" (Таиланд) – "Аз-Заураъ" (Ироқ)
23 май. "Арбил" (Ироқ) – "Нефтчи" (Ўзбекистон)
23 май. "Ал-Виҳдат" (Иордания) – "Казма" (Кувайт)
23 май. "Китчи" (Ҳонгконг) – "Арема" (Индонезия)
23 май. "Келантан" (Малайзия) – "Теренггану" (Малайзия)
Маълумки, Ироқ жамоалари ўйинларни ўз мамлакатида ўтказмоқда. "Нефтчи"нинг "Арбил"га қарши ўйини ҳам Арбил шаҳридаги Франсо Ҳаририй стадионида бўлиб ўтади.
