“Севилья” “Бавария” ярим ҳимоячиси Корентин толиссо учун “Реал”га қарши рақобатга кирмоқчи.

Футболчининг шартномаси шу ёзда тугайди, шунинг учун у мутлақо эркин ҳаракатлана олади. толиссо Мюнхен клубининг асосий таркибига киритилмаган, шу боис “Бавария” футболчини сақлаб қолмаслиги кутилмоқда. Fichajes хабарига кўра, футболчига "Севилья" ва "Реал" қизиқиш билдирмоқда.

Мадрид клуби ёзда жамоани тарк этиши мумкин бўлган Искога ўринбосар топишга ҳаракат қилмоқда. “Севилья” ўз навбатида Иван Ракитичнинг ўрнини тўлдирмоқчи.

Жорий мавсумда футболчи Бундеслигада 14 та ўйин ўтказиб, 2 та гол урди ва 1 та голли узатмани амалга оширди.